Os trece anos de Marjorie Glatt non son como os dos demais. Encargada de administrar a lavandería familiar á vez que tenta sobrevivir ao instituto, no seu día a día debe lidar con clientes quisquillosos, compañeiros de clase insoportables, leccións angustiosas de natación e… a lavandería, sempre a lavandería. Wendell tamén é un pouco diferente. Pero é que el é unha pantasma, aínda que se resista a aceptar o seu novo estado. Cando os seus mundos chocan e Wendell converte a lavandería dos Glatt no seu patio de xogos nocturno, non se dá conta que os seus torpes intentos de forxar unha amizade poden poñer en perigo a vida que Marjorie está a loitar por manter. Sabas é unha historia delicada que fala de duelo, segundas oportunidades e amizades pouco probables, pero, sobre todo, é unha invitación a unha lavandería bastante atípica na que ata as sabas poden cobrar vida.

Título orixinal: Sheets