Contén: v.1 ilustrado por Luis Ruiz Padrón -- v. 2 ilustrado por Daniel Pagáns

Compostela é territorio de mulleres, espazo no que elas traballaron, sorriron, coidaron e pasearon. Mulleres invisíbeis, anónimas, silenciadas, esquecidas, e que o debuxante Luis Ruiz Padrón colocou en espazos que elas construíron e deseñaron, que foron lugares dos seus soños, case sempre realizados. Con elas e para elas, Compostela constrúe un universo feminino. Só están algunhas, dezanove, pero fan que xa Compostela sexa, como sempre foi, territorio de mulleres.
Na segunda entrega, Compostela, territorio de mulleres, abre novos camiños: mulleres que fixeron roteiros, comadres de vidas. Por iso, elas tamén contaron. Traballaron, viviron, iluminaron a súa contorna, coidaron, amaron e fixeron andainas de sosego e de loitas. Camiños nos que teceron redes, construíron amizades, con tenrura e rabia, con carraxe e amores para crear novos territorios de dereitos, de cultura, de ciencia, de riqueza. Por esas andainas que elas abriron circulan hoxe miles e miles de mulleres novas, de rapazas que pisan terreos xa consolidados e, no testemuño que deixaron, mírase o cantar no bico e a estrela no peito.