Ano 2027. Francia prepárase para unhas eleccións presidenciais que é moi posible que gañe unha estrela da televisión. O home forte detrás desa candidatura é o actual ministro de Economía e Finanzas, Bruno Juge, para quen traballa como asesor Paul Raison, o protagonista da novela, un home taciturno e descreído.
De súpeto, na internet empezan a aparecer estraños vídeos ameazantes –nun dos cales se guillotina ao ministro Juge– cuns enigmáticos símbolos xeométricos. E a violencia pasa do mundo virtual ao real: a explosión dun cargueiro na Coruña, un atentado contra un banco de seme en Dinamarca e o sanguento ataque a unha embarcación de migrantes nas costas mallorquinas. Quen está detrás destes feitos? Grupos antiglobalización? Fundamentalistas? Seica satanistas?
Mentres Paul Raison indaga o que está a suceder, a súa relación matrimonial descomponse e o seu pai, espía xubilado da DGSI, sofre un infarto cerebral e queda paralizado. O feito propicia o reencontro de Paul cos seus irmáns: unha irmá católica e simpatizante da ultradereita casada cun notario en paro, e un irmán restaurador de tapices casado cunha xornalista de segunda fila amargada e de cabeiro retorto. E ademais Paul deberá enfrontar unha crise persoal ao serlle diagnosticada unha grave enfermidade...