Dotado dunha fantasía desbordante, Billy Watson soña con emular as expedicións de Aquiles, Ulises ou Simbad. E a ocasión preséntaselle cando o seu irmán Emmet, dez anos maior, regresa a casa despois de quince meses de internamento nunha granxa de Kansas. Coa súa nai desaparecida hai tempo, o seu pai recentemente falecido e a leira familiar en mans do banco, cortar amarras e lanzarse á aventura convértese nunha imperiosa necesidade para os Watson. A bordo dun vello Studebaker Land Cruiser, os dous irmáns dispóñense a viaxar ao longo da autoestrada Lincoln cara á remota California en busca dunha nova vida. Con todo, a inesperada aparición de Duchess e Wooly, dous mozos coñecidos de Emmet, dará un envorco radical aos seus plans.

Tít. or.: The Lincoln Highway