Toyono, Hana, Fumio e Hanako. Catro xeracións de mulleres e unha única constante nas súas vidas: o fluír das augas dun río que as viu nacer, crecer e converterse en esposas, nais, avoas… e ás máis novas tamén en mulleres traballadoras. Na súa viaxe cara ao océano, o Ki —curto, vertixinoso e ancho como a maioría dos ríos nipóns— atravesa unha paisaxe de montañas e pobos, presas e arrozales onde imperan as leis e costumes do Xapón máis tradicional. Entre finais do século XIX e mediados do XX, case sesenta anos de historia quedan fixados nas delicadas páxinas desta bellísima saga familiar: o fin da era Meiji, a guerra senón-xaponesa, a Segunda Guerra Mundial e o seu devastador ronsel… Grandes acontecementos que van deixando pegada na vida cotiá destas catro mulleres, divididas entre a tradición e a modernidade, cuxas historias e decisións conforman un retrato elegante e certeiro da situación da muller en Xapón.
Unha novela sobre a sabedoría, o amor, o legado, as traxedias e a emancipación, os modelos que queremos perpetuar e os que é necesario abolir.

Tít. or.: Kinokawa