Gonzalo Calderón, xornalista de trinta e tantos maduro, de carácter atrabiliario, emocionalmente fráxil e cunha vida sentimental pródiga en disgustos e vaivéns, dirixe un xornal en Vigo, a cidade na que reside tras abandonar Madrid deixando un matrimonio quebrado ás costas. Desconcertado polos sorprendentes sucesos que comezan a producirse no seu entorno durante o verán do 83, que inclúen mortes violentas e suicidios, a presenza na Ría de Vigo dun buque mercante de bandeira polaca, abandonado unha noite de temporal ao sur das illas Cíes, marca un antes e un despois na súa existencia. O descubrimento do vello barco co cadáver do seu capitán como único ocupante, colgado dun cabo e encerrado voluntariamente no seu camarote, inicia un frenético carrusel de acontecementos que sumerxen a Calderón nun saco sen fondo de inexplicables, macabros e sanguentos acontecementos.