Os efectos da COVID-19 repercutiron, e de forma moi significativa, no patrimonio cultural inmaterial, dado que a imposibilidade de realizar actividades e as restricións de mobilidade e aforo comportaron unha afectación sen precedentes ao seu desenvolvemento habitual. A innovadora mirada que neste libro ofrecen académicos, xestores e membros de asociacións culturais permite coñecer as consecuencias comunitarias, sociais e económicas do confinamento nun amplo abano de casos de patrimonio inmaterial de Europa e América, como as festas, a artesanía, os museos, a danza, a música e o turismo. Nas súas contribucións, os autores presentan as distintas estratexias despregadas para manter vivas estas prácticas culturais (alternativas virtuais, novos formatos festivos, celebracións restrinxidas e exposicións, entre outros). Todas estas experiencias mostran non só unha gran capacidade de resiliencia, creatividade e reinvención, senón tamén a necesidade de aprender deste período dramático para revisar a sustentabilidade cultural do patrimonio inmaterial.