"Para aqueles que vivimos no seu día a caída do Muro de Berlín e o colapso da Unión Sovietica, a situación actual exponnos un enigma sorprendente: como é posible que o mundo occidental, que saíra vitorioso da Guerra Fría, terminase perdendo a partida ante as forzas antidemocráticas, tanto internas como externas? Como é posible que a propia democracia liberal este dando cada vez máis mostras de colapso en Occidente, mentres no resto do planeta rexorden con forza os totalitarismos que criamos derrotados?
Nas páxinas que seguen, botaremos a vista atrás para tratar de ver que fixeron outros pobos, outras sociedades, enfrontados aos problemas que atenazan hoxe en día á civilización occidental. E veremos que, para a nosa desgraza, Occidente está a volver a cometer na actualidade os mesmos erros do pasado. O que quere dicir que, quizá, non podamos evitar os desastres que xa demostraron no seu día ser consecuencia deses erros".