O cadáver de Concepción Rivera, unha muller de mediana idade, aparece escondido detrás dunha fermosa palma real no Xardín Botánico de Madrid, xunto a un ramallete de acónito e un botellín de whisky. Secretaria do Club de Amigos dos Xardíns, formado por un grupo de pintorescos personaxes entusiastas da xardinería, acudira ao Xardín a escasos minutos do seu peche. Quen a acompañaba e como puido saír sen ser visto? Nada fai sospeitar que alguén da súa contorna poida estar implicado, a pesar de que todos os membros do club posuían a flor venenosa do acónito como ornamento. A perspicaz xuíz Mariana de Marco inicia a instrución do caso mentres o seu compañeiro sentimental, o xornalista Javier Goitia, en paro pola forte crise que azouta ao sector, decide narrar a investigación en forma de crónica xornalística. Este feito enfrontaraos nunha estraña rivalidade amorosa que se enconará perigosamente.