Ninguén pode ocultarse para sempre.
O novo caso de «Os libros do Porto Escondido».
A inspectora Valentina Redondo e o seu compañeiro Oliver deciden tomarse unhas vacacións e viaxan a Escocia para visitar á familia deste. O seu pai, Arthur Gordon, está empeñado en recuperar parte do patrimonio e da historia dos seus antepasados e adquiriu o castelo de Huntly, nas Highlands, que pertencera á súa familia ata o século XVII. Durante a rehabilitación do edificio atopa un diminuto despacho que levaba oculto douscentos anos e nel, documentos que revelan que as memorias de Lord Byron —supostamente queimadas a comezos do século XIX— poden seguir intactas e acharse entre esas paredes. Pronto correrá a voz do extraordinario achado e tanto a prensa de todo o país como varias persoas achegadas á familia achegaranse a eles para seguir o curioso acontecemento. Con todo, a aparición dun home morto no castelo fará que Oliver e Valentina se mergullrn nunha inesperada investigación que os levará a adentrarse na Escocia de épocas pasadas e que cambiará o destino dos Gordon e mesmo a propia historia.