Inclúe anexos documentais, bibliografía e índice onomástico.

A política de non intervención promovida por Francia e Gran Bretaña durante a guerra civil española condicionou decisivamente o acceso aos mercados internacionais de armas por parte da República. Mentres os sublevados se beneficiaban da subministración e colaboración, máis ou menos encuberta, de Italia, Alemaña e Portugal, as autoridades republicanas víronse obrigadas a recorrer a intermediarios e ao mercado negro e, en última instancia, foi inevitable unha dependencia crecente das subministracións enviadas desde a Unión Soviética.
O historiador Miguel Campos reconstrúe os esforzos republicanos para superar, entre xullo de 1936 e maio de 1937, o absurdo estrangulamento militar ditado polas potencias democráticas. De forma exhaustiva e documentada, reivindícase aos leais servidores da República, cuxo éxito estivo a miúdo coartado pola desesperada situación bélica e a falta de pericia e coñecementos dalgúns dos seus enviados, vítimas do oportunismo de estafadores profesionais, traficantes turbios e mesmo de emisarios oficiais que non dubidaron a encherse os seus petos. Ademais, "Armas para la República" reconstrúe as manobras das redes e axentes dos sublevados e dos espías e diplomáticos dos seus aliados para sabotear contratos e impedir pola forza moitas das entregas. Unha investigación capital para entender a innegable e decisiva dimensión internacional da guerra civil española.