Nunha urbanización no medio da nada, unha das moitas que se construíron en España hai anos, vive unha pequena comunidade de veciños que procura levar unha vida normal, a pesar de vivir lonxe de todo. Entre eles, a protagonista da novela, unha muller recentemente separada, envorcada no traballo e en afastar o desánimo da súa vida. Máis aló da urbanización que se prometía luxosa, entre rúas asfaltadas e rotondas que non conducen a ningunha parte, álzanse vivendas sen acabar e sen vender, lugares ameazantes porque poden estar ocupadas por persoas que non se deixan ver. Precisamente a unha desas vivendas vai dar un home que parece arrastrar un segredo, e con el un medo e unha angustia. Cunha formulación dunha orixinalidade desarmante, e un escenario imposible de esquecer, esta nova historia de Rosa Ribas, atmosférica, inquietante, adictiva, repleta de sorpresas, regálanos tamén unha inesperada historia de amor.