Bielorrusia, unha república exsoviética nos confíns orientais de Europa, protagoniza un bo número de titulares de prensa nos últimos meses. Este país, dirixido con man de ferro por Aleksandr Lukashenko, un autócrata formado no Partido Comunista da URSS, converteuse no último vestixio do antigo imperio soviético e nun factor de inestabilidade para a UE e a OTAN hábilmente manexado polo líder ruso Vladimir Putin. Este libro analiza as orixes e a evolución de Bielorrusia como país independente, así como ofrece claves para coñecer como pode evolucionar a situación nunha das rexións europeas máis inestables, ameazada polo novo expansionismo ruso.