Sabes como funcionan os bosques? Por que hai árbores e bosques diferentes? Como eran os bosques no pasado? Como serán no futuro? En que época empezamos a destruílos? E a coidalos?
O bosque é a nosa casa ábrenos a porta para coñecer os bosques, o seu funcionamento e os seus ciclos naturais cun enfoque científico e ecolóxico. Pero tamén a entender a nosa relación pasada con eles e a importancia que teñen no noso día a día. Este libro é, agora máis que nunca, necesario para entender que necesitamos ter un futuro xunto aos bosques e que podemos facer para que nos sigan coidando e dando tanto sen poñelos en perigo. Neste libro–escrito e ilustrado por dúas enxeñeiras de montes–, cada detalle, cada folla, cada árbore debuxada ten unha función específica.