Acceso a material adicional mediante códigos QR

Detendrán mi río evoca, con aire de fábula e rigor de reportaxe antropolóxica, o mundo desaparecido de Cauvaca, unha horta aragonesa que estivo chea de vida ata que a asolagou o encoro de Mequinenza. É a historia de Mercedes, unha nena que pode predicir a choiva co seu cinto de serpe e que hoxe lembra con nostalxia o escenario da súa infancia; é a memoria dos obreiros das hidroeléctricas que sempre van de paso; é a odisea dun enxeñeiro estadounidense que morre no naufraxio do Lusitania e dun neno catalán que de maior quere ser como el; é o calafrío luminoso da campesiña cega á que o seu marido leva a coñecer o mar e o ton lúgubre do NO-DO cantando as inauguracións de Franco. É un libro sobre desarraigamento e memoria e tamén unha historia de vidas cruzadas e pequenas coincidencias que resultan cruciais no destino das persoas e os lugares.