Dicía Carl Sagan que para facer unha torta de mazá primeiro hai que crear o universo. Harry Cliff, prestixioso físico da Universidade de Cambridge, emprende a procura da receita perfecta recollendo os ingredientes a traves do cosmos, nos núcleos de estrelas moribundas, e retrocedendo no tempo ata a fracción de segundo inmediatamente posterior á que todo se creou, para entender, entre outras moitas cousas, de onde provén a materia.
Esta suculenta receita lévao do maior laboratorio subterráneo do mundo, onde os científicos estudan o sol, ao Gran Colisionador de Hadrones, en Suíza, onde se crea antimateria a diario. Un paseo pola historia da física, a química e a astronomía, así como do percorrido que nos trouxo ata a nosa comprensión actual do universo. En definitiva, un das viaxes intelectuais máis asombrosos que o ser humano foi capaz de emprender.