Na era dixital, o influencer constitúe un fenómeno fundamental para a cultura pop, a sociedade de consumo, a industria publicitaria e o capitalismo, e, desde hai xa un tempo, a súa presenza expandiuse máis aló das fronteiras da internet. Mozos, adultos e nenos grávanse mentres se maquillan, cociñan, viaxan ou practican deporte, e comparten consellos cos seus seguidores a través das redes sociais.
Neste libro, estas novas celebrities eríxense no emblema dos tempos que corren. Aleccionan e manipulan a millóns de seguidores, incentivan o consumismo, promoven un estilo de vida neoliberal e menoscaban as causas máis xustas. O neocapitalismo escóndese tras os filtros e os retoques de Photoshop. Xa non só é máis complicado diferenciar que é un anuncio do que non o é, senón que cada vez hai máis persoas ás que, simple e sinxelamente, dálles igual. Todo é entretemento e todo se pode converter en mercadoría. Incluso o propio eu.