Kazu naceu en Fukushima en 1933, o mesmo ano que o emperador xaponés, e a súa vida viuse sempre ligada á da familia imperial. O seu espírito non pode descansar e vese condenado a vagar polo parque que se estende xunto á estación de Ueno, en Tokio, lugar que marcou a súa existencia e foi o escenario da súa morte. O parque foi o primeiro que viu ao chegar a Tokio para traballar como peón nos preparativos dos Xogos Olímpicos de 1964, e tamén foi alí onde terminou os seus días, como un dos desherdados que o habitan, traumatizado polo tsunami de 2011 e enfurecido polo anuncio dos Xogos de 2020. Kazu perdeu toda noción física do mundo, pero a súa percepción é máis aguda que nunca, e da súa man atravesamos as luces e as tebras da vida de Tokio.

National Book Award 2020