Jonathan ten trinta e un anos cando empeza a sufrir unha estraña febrícula que parece instalarse de forma permanentemente no seu corpo. Ningún médico é capaz de atopar a causa, ata que algunhas semanas despois chega o fatídico diagnóstico: VIH. Nesta nova etapa da súa vida Jonathan enfróntase á vertixinosa idea da súa morte, redefinindo a súa posición fronte ao mundo e a idea que ten de si mesmo. Pero non é fácil cando a túa infancia e adolescencia tiveron lugar no seo dunha familia desestructurada dun barrio lumpen do arrabalde de Milán. Jonathan era un neno tímido, pacífico e tartamudo; imaxinaba ser Wonder Woman mentres descubría a súa atracción polos mozos.