Este é un percorrido polos dereitos humanos na vellez e, concretamente, polos dereitos das mulleres, sintetizados en tres principios que a Anna Freixas parécenlle fundamentais na idade maior: a liberdade, a xustiza e a dignidade. Por tanto, estes apuntamentos de supervivencia están pensados para a nova xeración de vellas que van estreando liberdades, para as que manteñen a súa dignidade, para as anciás que mentres se desprazan polo calendario son capaces de escudriñar a vida e as relacións cotiás con perseveranza e agudeza.Este libro pretende ser unha reflexión e un divertimento sobre unha variedade de pequenas cousas que neste momento da vida nola poden amargar ou, pola contra, facérnola máis fácil. Unha especie de foco para iluminar situacións da vida cotiá que cremos tan normais que non as consideramos importantes e que, con todo, constitúen o groso da discriminación e o rexeitamento social cara ás persoas maiores, unicamente polo feito de selo. Freixas tamén trata de visibilizar determinados factores que consolidan os estereotipos que a sociedade ten sobre as veteranas. "Yo, vieja" é un canto á liberdade e á desenvoltura; á vellez confortable e afirmativa. Coa pretensión de que entre todas consigamos vivir unha idade maior elegante, relaxada e firme.