Publicada en 1906 e inspirada na súa propia experiencia, Botchan foi a novela máis popular de Natsume Soseki (1867-1916) en parte grazas á sinxeleza da súa formulación: as aventuras dun orgulloso xoven de Tokio que é destinado como profesor a unha escola provinciana na agreste illa de Shikoku. Soseki sérvese de situacións xocosas que en ocasións raian o absurdo para pintar unha contorna social no que os valores tradicionais que fundamentaran a cultura nipoa -a honra, a equidade, a xustiza- estaban a ser substituídos por outros baseados no éxito persoal, a superficialidade e a avaricia.