O ano que mudou todo sucederon moitas cousas. Algunhas bonitas e outras horribles. Gabi anotounas todas no seu diario, unha libreta verde que lle agasallou seu irmán cando cumpriu quince anos. Coma se fose posible esquecer que se namorou de Leo, o rapaz máis popular do instituto, ou que Paula, a súa mellor amiga, cometeu aquela terrible tolería.
Ao comezo do novo curso, Gabi séntese tan desubicada como Iván, o rapaz novo e raro que se senta ao seu carón, o que pasa as horas debuxando paxaros engaiolados. Ademais, ten un novo profesor de literatura empeñado en que lean unha lista de libros se queren aprobar a súa materia: "a lista da adversidade". Entón chega unha pandemia que os pecha na casa cunha greta no corazón, pero que abre a porta á superación, a esperanza e o perdón. E tamén o amor.