Ninguén retratou a psicoloxía humana como o fixo Fiódor Dostoyevski. A súa obra, fiel reflexo dunha personalidade complexa e atormentada, marca unha das cimas da narrativa universal. Admirada por xeracións de lectores e autores, Crime e castigo narra o asasinato cometido por Rodión Raskólnikov, un estudante arrogante e endebedado cuxo nihilismo anticipa a literatura existencialista. O seu descenso aos inferno corre en paralelo ao da cidade de San Petersburgo, en plena decadencia, que Dostoyevski retrata con pulso firme e unha galería de personaxes absolutamente memorables.