Bibliografía

Que algúns expertos poñan sobre a mesa que as crises do capitalismo xa non son o que eran, que isto non é unha crise máis e que o que está en cuestión é a propia esencia dun sistema genocida, ecocida e con data de caducidade xa non tan afastada, está a empezar a deixar de ser unha novidade. Pero que o municipalismo comunalista apareza como unha posibilidade real dun modelo diferente, non explotador, equitativo, horizontal, respectuoso e que promova o ben común e o apoio mutuo, quizais si resulte innovador para moitas lectoras. Máis aínda cando a proposta exprésase cunha necesaria estrutura de cambio que inclúe aos suxeitos activos (individuais e colectivos), así como os procesos e instrumentos que permitirán levala a cabo. O autor proponnos a sociedade comunal como alternativa e o municipalismo como proceso de transición.