Que teñen en común un loft de Nova York, unha casa tradicional xaponesa, unha casa-cova de Paterna e unha favela de Río de Janeiro? Todas son casas. Pero... que é unha casa? O teu fogar en calquera sitio non é un simple catálogo de casas. É unha aproximación a como nosa cultura, estilo de vida e clima inflúen a maneira de entender e deseñar as nosas casas ao redor do mundo e como isto cambiou ao longo da historia. Un álbum infantil cheo de humor sobre a relación entre arquitectura, antropoloxía e o clima escrito e ilustrado por dúas novas promesas. Tamén presenta o que diversos personaxes ilustres dixeron sobre as casas.