O detective da policía de Chicago Sam Porter investiga o caso dun home atropelado, pois os indicios na escena do crime apuntan a que se trata do Cuarto Mono, un asasino en serie que estivo aterrorizando a cidade. O seu modus operandi consistía en enviar tres caixas brancas aos pais das vítimas que secuestra e mata: unha primeira cunha orella, unha segunda cos dous ollos, e outra coa lingua; e finalmente deixar abandonado o corpo sen vida nalgún lugar.
O home atropelado levaba unha desas caixas brancas. Iníciase así unha frenética carreira contrarreloxo para pescudar onde se atopa encerrada a próxima vítima.