Na capa: II República. 90 aniversario.

A educación popular foi un dos piares fundamentais da transformación social en tempos da II República, e a "Cartilla escolar antifascista" foi sen dúbida a ferramenta máis eficaz para definir e implantar os seus valores entre as milicias republicanas por parte do Ministerio de Instrución Pública na súa loita contra o analfabetismo. A primeira edición foi impresa en Valencia no mes de abril de 1937, cunha tiraxe de 25.000 exemplares; a segunda edición, en octubre de 1937 cunha tirada de 100.000 exemplares.
Foi concibida e distribuída durante a contenda bélica, pretendía iniciar no coñecemento das operacións aritméticas básicas e da lectoescritura aos soldados do bando republicano e, á súa vez, conciencialos e comprometelos coa loita antifascista. Neste folleto todas as clases foron representadas e serviu como panfleto reivindicativo tanto na loita pola democratización da cultura como na loita contra o fascismo. O seu particular modo de axuntar educación matemática, propaganda política e arte de vangarda valeulle, sen dúbida, a condición de «libro singular». O texto desta cartilla foi redactado, por encargo do Ministerio de Instrución Pública, por Fernando Sáinz Ruiz e Eusebio Cimorra, a confección gráfica veu da man de Mauricio Amster (1907-1980), un dos artistas gráficos máis destacados da época, ademais de renombrado tipógrafo, e dos fotógrafos José Val do Omar e José Calandín Guzmán.