Durante as primeiras décadas do século xx, o historiador alemán Aby Warburg e a libreira estadounidense Sylvia Beach levaron a cabo dous magníficos proxectos intelectuais que hoxe día forman parte da mitoloxía cultural da modernidade. A biblioteca Warburg, en Hamburgo onde viu a luz o fascinante Atlas Mnemosyne, e a librería Shakespeare & Company, en París, redefiniron a relación entre os lectores e os escritores, a arte, os libros, a literatura.
Os destinos paralelos de ambos os personaxes dialogan nestas páxinas cos doutras figuras revolucionarias do mundo da arte e a escritura, como Mary Wollstonecraft, pioneira do feminismo e nai da creadora de Frankenstein, o editor londiniense Joseph Johnson, a libreira neoiorquina Frances Steloff ou o artista cosmopolita e conceptual Marcel Duchamp. As vidas de todos eles entrecrúzanse a través dos ecos e as metáforas que propón esta orixinal novela gráfica, un cegador ensaio narrativo entre as viñetas e a colaxe.

Encadernación sen lombo. Editado nunha única tira despregable impresa por ambas caras.