María e Tomás conectaron á primeira. Poden pasar horas e horas falando sobre soños ou como cambiar o mundo. Cando están xuntos a maxia flota no aire, aínda que eles sexan os últimos en decatarse. Pero nin a vida é un camiño de rosas nin este libro é un conto de fadas. Eles descubrirano enseguida. Como tamén descubrirán a dor, o temor, a amizade e, sobre todo, o amor.

Esta é unha historia de decisións difíciles, de facerse maior de golpe, de realidades que nunca se soñaron e de ilusións que se cumpren a base de tesón. Pero tamén é unha historia sobre o valor de tomar as rendas da túa propia vida.