Inclúe bibliografía.

Crítica do rumbo eurocéntrico e occidentalista presente en boa parte dos escritos de historia occidentais, e o consecuente «roubo» por parte de Occidente dos logros doutras culturas, sobre todo da invención da democracia, o capitalismo, o individualismo ou o amor. Así, o autor examina en detalle a unha serie de teóricos, como Karl Marx, Max Weber e Norbert Elias, e enfróntase, con admiración crítica, a historiadores da talla de Fernand Braudel, Moses I. Finley ou Perry Anderson. Expón, igualmente, unha metodoloxía comparativa de análise intercultural que permite analizar en profundidade consecuencias históricas diverxentes e que elimina as desfasadas e simplistas diferenzas entre o «atrasado Oriente» e o «Occidente industrioso». O lector atopará nesta obra unha suxestiva reflexión que lle axudará a comprender mellor tanto a súa propia historia como a dos pobos non occidentais.