Un rico cliente chama á porta da pintora máis misteriosa de París, unha española con aspecto de nena pequena que vive encerrada no seu estudo que só abandona á tardiña para pasear oculta entre as sombras. O comprador desexa que a pintora reproduza un retrato que fixo da súa nai moito tempo atrás e que é un dos recordos máis queridos da súa infancia. Ela négase terminantemente, non pensa perder o seu tempo con ruínas do pasado... O París da bohemia de principios do século XX reuniu a un inmenso exército de ilustres artistas, novelistas, poetas, músicos e pintores que revolucionaron o mundo da arte. Un destes xenios foi unha muller: María Blanchard, pintora cubista, amiga íntima de Picasso, Juan Gris e Diego Rivera que, como unha sombra, pasou case desapercibida a pesar da súa innegable orixinalidade e á pegada indeleble que deixou nas vangardas artísticas. A través dun relato conmovedor, cargado de intriga e emoción, que conxuga elementos reais con outros de ficción, "María Blanchard: como unha sombra" recrea o rastro humano e o labor artístico desta singular pintora, reconstruíndo a súa singular visión da pintura, como forma de retiro espiritual, e ofrecendo detalles dunha humanidade desbordante que lle fixo achegarse aos parias da sociedade, esmoleiros, prostitutas, pobres e tullidos, a quen abría as portas da súa casa, alimentaba, daba acubillo e retrataba con sensibilidade e respecto.