Alec, debuxante de mediana idade, e Eve, novelista dun mítico éxito editorial, son os únicos habitantes dun illote diminuto da costa atlántica. Evítanse, ata o día en que unha inexplicable avaría de todos os medios de comunicación fórzalles a saír da súa celosa soidade.
¿Que está a pasar? ¿Sufriu un cataclismo o planeta tras as ameazas continuas dun conflito nuclear e de atentados terroristas a gran escala? ¿Que ocorreu nas illas próximas, no resto do país, no resto do planeta?
Grazas ao seu vello amigo Moro, convertido nun dos conselleiros de confianza do presidente dos Estados Unidos, Alec resolverá, aos poucos, o misterio, ata descubrir que, aínda que escapamos ao desastre, fixémolo dunha maneira tan estraña e inesperada que a Historia non poderá retomar o seu curso como ata o de agora.
A través da ficción e da parábola, o autor trata nesta novela dos grandes temas abordados nos seus ensaios como "Identidades asesinas", "El desajuste del mundo" e "El naufragio de las civilizaciones"...; pero abrindo a porta á esperanza que nos brindan "os nosos inesperados irmáns".

Título orixinal: Nos frères inattendus