O colibrí é un paxaro miúdo que ten a capacidade de manterse en suspensión no aire. Cando era neno, a Marco Carrera a súa nai chamábao colibrí pola súa escasa estatura. O problema de crecemento solucionouse con inxeccións de hormonas, pero Marco seguiu sendo un colibrí pola súa habilidade para seguir no aire a pesar das adversidades. Un día visítao na súa consulta o psicanalista da súa muller e, saltándose o secreto profesional, advírtelle de que esta descubriu que segue carteándose cun amor de mocidade. Non será o único conflito ao que terá que enfrontarse Marco: deberá coidar dos seus pais enfermos; deberá tratar de reconciliarse co seu irmán, porque sobre eles planea a sombra do final tráxico da irmá moitos anos atrás, e tamén deberá facerse cargo da súa neta cando a súa filla, nai solteira, deixe de poder facelo…

Premio Strega

Título orixinal: Il colibrì.