Na cidade alemá de Mannheim, de onde é orixinario o seu pai, Géraldine Schwarz descobre que o seu avó Karl comprou en 1938, a moi baixo prezo, unha empresa aos seus propietarios xudeus, os Löbmman, máis tarde asasinados en Auschwitz. Tras a guerra, confrontado cun herdeiro que reclama unha reparación, Karl Schwarz opta pola negación das súas responsabilidades. Así arrinca unha apaixonante investigación que cobre tres xeracións da historia recente de Europa e que nos obriga a reflexionar sobre os riscos da desmemoria e o auxe do neofascismo no noso continente