Como membro dos Chicago Bulls campións da NBA en 1991, un Hodges vestido de dashiki entregaba unha carta escrita a man ao presidente George H. W. Bush esixíndolle que fixese máis para abordar o racismo e a desigualdade económica. Hodges tamén foi activista e portavoz sindical, impulsou un boicot contra Nike e denunciou enerxicamente a brutalidade policial por mor das imaxes da malleira a Rodney King que deron a volta ao mundo. Pero a súa franqueza saíulle cara: no mellor momento da súa carreira, tras dez tempadas na NBA, foi excluído da competición por usar a súa condición de atleta profesional para defender causas xustas.

Nestas poderosas, apaixonadas e cativadoras memorias, as dúas veces campión da NBA e triplista insuperable comparte as experiencias de toda unha vida dedicada a mellorar as condicións da comunidade negra en Estados Unidos: desde os encontros con outros destacados activistas negros como Nelson Mandela, Coretta Scott King ou Jim Brown, ata a súa relación con figuras como Michael Jordan e George Bush pai. Unha cousa está clara: Craig Hodges nunca se acovardou á hora de cantar as verdades ao poder.

Tít. orix.: Long Shot: The Triumphs and Struggle of an NBA Fighter