Contén bibliografía

Na súa etapa de madurez, neoliberal e globalizado, senil e distópico, o capitalismo segue apoiando e reforzando as súas bases de acumulación e xestión na explotación das poboacións e a apropiación privada dos recursos naturais do planeta. As poboacións son explotadas durante a súa idade activa no reino da produción, pero despois son desposuídas dos seus dereitos cando se achan na idade de xubilación. O mercado de traballo, coa desregulación laboral (contratos temporais, baixos salarios, eliminación do salario mínimo, eventualidade, flexibilidade e mobilidade xeográfica, despedimentos baratos ou inexistentes, proliferación dos falsos autónomos, etc.), xa facilita que o ataque ao sistema público de pensións por parte do sector financeiro e crediticio, coa axuda de institucións públicas mundiais e gobernos nacionais, logre reformas do mesmo no que se desposúe de dereitos sociais á cidadanía en xeral, e ás poboacións traballadoras en particular.
Perante tanto informe agoreiro e catastrófico institucional, os artigos que compoñen este libro, supoñen un intento de demostrar, que os sistemas públicos de pensións, ademais de viables, poden ser sostibles. Argumentos para que as mareas de pensionistas utilícenos e poidan defender as súas posicións alternativas.