Actualmente as institucións públicas estatais e internacionais e os entes financeiros, baixo a retórica do medo, envían unha mensaxe apocalíptica: "cada vez será máis difícil pagar as pensións". Esta alarma socialcalou profundamente na opinión pública, pero os autores deste libro desmontan os mitos -ou falacias- que constrúen esta "crise": argumentos que aseguran a imposibilidade do financiamento público das pensións, que confirman o déficit no orzamento da Seguridade Social...
Os fondos públicos de pensións constitúen enormes fluxos de capitais, cuxa privatización é un magnífico negocio para o capital financeiro, pero ante todo as pensións son un dereito cidadán e débense financiar con todos os demais gastos colectivos dun país. A "crise" das pensións non é unha cuestión de problemas financeiros senón de como se distribúe a riqueza xerada por todos. A "crise" das pensións é unha construción social deliberada, máis que calquera outro conto.