En 1979 Nicaragua conseguiu derrocar ao ditador Somoza e formar un goberno de esquerdas baixo a dirección do FSLN. É un feito coñecido que a revolución sandinista concitou a atención e o entusiasmo da esquerda mundial. Xerou tantas esperanzas que deu lugar a un amplo apoio solidario internacional, envorcándose en enviar todo tipo de axuda, sendo, sen dúbida o movemento que máis apoio económico e moral recibiu naquela década.
O autor desta obra propúxose realizar unha reflexión sobre o mesmo. Xa entón percibía que naquel cambio podíanse percibir algunhas loces pero tamén sombras, elementos escuros que naquel momento non eran ben recibidos polas opinións entusiastas sobre o proceso. Porque ademais a contra aumentaba no seu obxectivo de destruír ao FSLN mediante a guerra, e calquera visión crítica interpretábase como unha traizón. Iglesias, con todo, continuou coa reflexión reservando a súa publicación para outro momento. Por iso, na primeira parte deste traballo preséntanse algúns artigos escritos nos anos oitenta nos que xa se anunciaban aspectos preocupantes da actuación do goberno sandinista, que, desgraciadamente parecen explicar a realidade actual. Teñen gran interese pois permiten entender un pouco mellor que está a pasar agora en Nicaragua.