Alain Delon, Maurice Bonet, Marie Laforêt, Erno Crisa, Frank Latimore, Ave Ninchi

1960, Francia

Partindo da trama central da coñecida novela de Patricia Highsmith, René Clement traslada aos personaxes á gran pantalla e envólveos nunha atmósfera onde reina un universo poético onde as palabras desexo, realidade, soño, paranoia e obsesión conviven entre a ambiguedade e a indefinición.

Tom Ripley chega a Europa para visitar a Philipe, un mozo rico e despreocupado que dedica o seu tempo á boa vida. Tom queda fascinado polo tren de vida que leva xunto a Marge, a súa noiva, e únese a eles, acollido ao principio con graza por parte de Philipe. Pero como todo o bo remata, Tom descubrirá como Philipe empeza a cansar del e confésalle abertamente que non pensa volver a Estados Unidos. Un iate enmedio do mar, será o escenario da traxedia cando Tom, farto das humillacións de Philipe, decide asasinalo para usurpar a súa personalidade e a súa fortuna.

Non recomendada para menores de 13 anos

Idioma: castelán, francés ; subtítulos, castelán