Bibliografía: páxinas 223-225

A escola como tal é un concepto abstracto. O que ten existencia real é cada escola, situada nun terreo determinado, habitada por persoas concretas, e pertencente a unha contorna social específica.
Esa é a que debería verse no espello para comprobar en que medida os seus alumnos están a ser debidamente atendidos. Pero que ve ao mirarse? Vese tal cal é ou como se imaxina que é, ou como querería ser? Con que criterio interpreta o que ve?
Proliferan métodos, conceptos e instrumentos que, pretendendo converterse en panaceas educativas, teñen unha vida moi efémera. É preciso distinguir no espello aquelas innovacións valiosas capaces de trazar un rumbo distinto para cada alumno que faga posible o seu desenvolvemento intelectual, afectivo e ético.