Un crime terrible sacode a apracible comarca da Terra Alta: os propietarios da súa maior empresa, Gráficas Adell, aparecen asasinados tras ser sometidos a atroces torturas. Encárgase do caso Melchor Marín, un novo policía e lector voraz chegado desde Barcelona catro anos atrás, cun escuro pasado ao lombo que o converteu nunha lenda do corpo e que cre enterrar baixo a súa vida feliz como marido da bibliotecaria do pobo e pai dunha nena chamada Cosette, igual que a filla de Jean Valjean, o protagonista da súa novela favorita: Os miserables.
Partindo dese suceso, e a través dunha narración trepidante e repleta de personaxes memorables, esta novela convértese nunha lúcida reflexión sobre o valor da lei, a posibilidade da xustiza e a lexitimidade da vinganza, pero sobre todo na epopea dun home en busca do seu lugar no mundo.

Premio Planeta 2019