Neste novo caso, Carvalho debe remontarse á súa mocidade como axente da CIA cando, nunha viaxe a Estados Unidos, coñeceu a Antonio Jaumà, mánager da empresa multinacional Petnay. Choveu moito desde entón, Jaumà apareceu morto sen calzóns e cunhas bragas no peto no que parece ser un axuste de contas sexual. Algo nada estraño a priori, coñecendo a querenza do defunto pola compañía feminina de pago, se non fose porque nesa España que sae da longa noite franquista e empeza a espertar á democracia, queda demasiada xente disposta a todo con tal de conservar certos privilexios e a non permitir que nada nin ninguén lles augue a festa nacional.

Tras o exitoso comezo que supuxo o lanzamento de Tatuaxe, o tándem formado por Hernán Migoya e Bartolomeu Seguín continúa a aventura de adaptar á linguaxe do cómic a saga de Pepe Carvalho, o enxebre e inesquecible detective concibido por Manuel Vázquez Montalbán.