Hai innumerables libros sobre París, pero moi poucos coma este. En moitas das súas estupendas páxinas o humor acompaña e expande a mirada do flâneur. Non é só todo París o que se nos amosa aquí, "o todo" París, senón tamén, como dixera Sacha Guitry (outro bromista), "os rincóns do pensamento". Calet pensa, divírtese e divirtenos mentres camiña. E mentres recorda...Non hai nostalxia gratuita nas súas palabras, senón unha comprensión total do que significaron París e as súas xentes durante o século XX, atento sempre a aquilo que Camus, seguindo a Chamfort, chamaba "a paixón do corazón humano".
O pícaro, o sablista, que lembra para nós o fai sen mapa ou guía ao uso, sen tópicos, cunha voz case recén nacida, descubríndonos moitísimos lugares nos que nunca antes houbésemos reparado. Nin nas nosas viaxes, nin nas nosas lecturas. Un París sorprendente, tan humano coma mítico.