A vida dunha familia humilde cambia por completo a tarde de verán na que Baruc, o fillo maior do matrimonio, escapa de casa tras unha reprimenda da súa nai. Esta, cativada por un novo home pasaxeiro, está a piques de facer naufragar o seu matrimonio, ao que o seu marido, no medio do desconcerto pola desaparición de Baruc, responde de forma inesperada. Entre tanto, Hugo, o pequeno da familia, queda na casa esperando a que regrese o seu irmán, á sombra do que viviu sempre, mentres trata de aceptar o ocorrido.