Intelixente, intuitiva e cun afiado sentido da liberdade, a pintora e poeta mexicana Carmen Mondragón, máis coñecida nos círculos artísticos como Nahui Olin, foi unha artista excepcional, de enorme carisma e sensualidade. Nada en México en 1893, viviu no París dos primeiros anos do século xx, onde coñeceu a Georges Braque, Henri Matisse ou Pablo Picasso. Tras pasar por San Sebastián, mergullouse na vida artística de México, onde destacou polas súas ideas feministas e a súa actitude provocadora e ecléctica, que a levaron a interesarse non só pola poesía e a filosofía, senón polas matemáticas e as ciencias exactas.

Premio Nacional de Narrativa 2020