Elizabeth Wyller viaxa cara o oeste coa intención de reencontrarse coa súa familia e regresar á súa Charleston natal canto antes. Nesa terra salvaxe e libre, onde a morte forma parte da vida, Elizabeth verase na obriga de loitar para sobrevivir e poder fuxir dun pasado sorprendente que non deixará de perseguila. A maxia desa terra extraña, misteriosa e salvaxe, a paixón que se desata coma as encorsetadas roupas femininas do Leste e unha trama que a vai enlear entre os seus fíos máis enguedellados, farán que descubra unha forma de vida da que se namorará sen remedio.