Un día tórrido de verán, a inspectora Elena Blanco, á fronte da Brigada de Análise de Casos, achanda a vivenda dunha familia e chega ata a habitación do fillo adolescente. Na pantalla do seu computador confírmanse as súas sospeitas: o mozo está a ver en directo como dous encapuchados torturan a unha nova. Impotente, presencia o sádico espectáculo ata a morte da vítima. Cantas antes caerían en mans da Rede Púrpura? A BAC estivo investigando durante meses a esta organización que trafica con vídeos de violencia extrema na Deep Web. E ao longo de todo este tempo, Elena mantivo en segredo, mesmo para o seu compañeiro, o subinspector Zárate, o seu maior temor: que a desaparición do seu fillo, cando non era máis que un neno, poida estar relacionada con esta trama macabra. Onde está Lucas? Quen é agora? E que límites está ela disposta a transgredir?

Carmen Mola é o seudónimo colectivo dos escritores Jorge Díaz, Agustín Martínez e Antonio Mercero