Esta novela extraordinaria, considerada un clásico contemporáneo no seu país, narra a fascinante historia dun fotógrafo da primeira metade do século XX chamado František Drti­kol. A medio camiño entre a ficción e a realidade —pois Drtikol existiu: foi un dos grandes nomes da fotografía da súa época—, estas páxinas contannos, e en ocasións de maneira trepidante, os detalles chave dunha figura tan contradictoria como seductora: neno incomprendido nun pobo mineiro, soldado que nunca chegou á fronte na Primeira Guerra Mundial, fotógrafo mundialmente coñecido, gran mestre do espido que nunca tivo sorte coas mulleres, precursor do budismo en Europa…

Xunto á historia da súa vida como artista, amosasenos tamén aquí o desgarro íntimo da súa procura do absoluto. A relación de Drtikol coa luz foi a que o achegaría, sen dúbida, á mística: dentro del conviviron sempre o desexo de beleza e a insatisfacción coa realidade.

Poucas veces, unha novela deste tempo —nun brillante percorrido por guerras, vanguardas artísticas e experimentos políticos— nos ofreceu unha visión á vez tan singular e tan atractiva do século XX. Poucas veces, unha novela contemporánea soubo narrar co mesmo pulso a vida bohemia e a vida no mundo rural, a pobreza e a riqueza, o amor e a morte.

Tít. orix.: Dějiny světla