No verán de 1862, un grupo de novos artistas, guiados polo apaixonado e brillante Edward Radcliffe, viaxa a Birchwood Manor, unha casa de campo en Berkshire. Teñen un plan: vivir os seguintes meses recluídos e deixarse levar pola súa inspiración e creatividade. Con todo, cando o verán toca ao seu fin, unha muller morreu dun disparo e outra desapareceu, extraviouse unha xoia de valor incalculable e a vida de Edward Radcliffe desmoronouse.
Uns cento cincuenta anos máis tarde, Elodie Winslow, unha nova arquivista de Londres, descobre unha carteira de coiro que contén dous obxectos sen relación aparente: unha fotografía en sepia dunha muller de gran beleza cun vestido victoriano e o caderno de bosquexos dun artista no que hai un debuxo dunha casa de dous tellados no recodo dun río.
Por que ese bosquexo de Birchwood Manor lle resulta tan familiar a Elodie? E quen é esa fermosa muller que aparece na fotografía? Revelaralle algunha vez os seus segredos?
Narrada por varias voces ao longo do tempo, a novela é a historia dun asasinato, un misterio e un roubo, unha reflexión sobre a arte, a verdade e a beleza, o amor e as perdas. Polas súas páxinas flúe como un río a voz dunha muller xa libre das ataduras do tempo e cuxo nome caeu no esquecemento: Birdie Bell, a filla do reloxeiro, a única persoa que viu todo o sucedido.

Tradución de: The clockmaker's daughter