Co mesmo espírito do clásico "1080 recetas de cocina" de facer a cociña accesible a todas as familias proporcionando unhas receitas claras e con ingredientes fáciles de atopar para elaborar unha gran variedade de pratos, este libro adapta un gran número de pratos a aquelas persoas que non poden facer pleno uso de moitos libros de receitas tradicionais porque sofren unha intolerancia ou unha alerxia alimentaria a algúns produtos.
As intolerancias alimentarias son cada vez máis frecuentes, ata o punto de que practicamente se duplicou o número de casos detectados nos últimos anos. Aínda que cada vez hai máis produtos aptos para intolerantes era necesario facer un receitario xeral que poida usar case todo o mundo.
Baseándose na palara «substitución» preséntanse unha gran variedade de receitas con produtos que cada día están máis presentes nos estantes, xa non só dos herbolarios, senón da maioría das grandes superficies.
Coa finalidade de presentar un libro tan práctico como o "1080" tradicional, este espléndido receitario pretende que se poida seguir gozando da comida sa e sinxela que sempre nos gustou, mesmo sen glute, sen ovo e sen lactosa.